Saison 2: Episod 2 - Modern Spanish

D'Anne exploréiert dës Kéier modern Spuenesch Kichen. Et steet awer och en excellente Restaurant, deen am Haus vum bekannten Architekt Gaudi ass, um Menu.

St. Jacques mat Chorizo



D’Spuenier hunn pescados y mariscos – Fësch a Mieresfriichten iwwert alles gär. Am Nordweste vu Galizien, fënnt een eng sëllechen Farmen déi St. Jacques (Jakobsmuscheln) ziichten. De besonnesche Goût vun der Muscherl passt ganz gutt zu engem Purée deen aus Muerte gemat gëtt. En Hauch vu Chorizo-Aromen mécht de Plat komplett. Un aperitivo maravilloso Espanol – eng herrlech Entrée! Et soll een awer bei der Qualitéit vun de St. Jacques ganz gutt oppassen. Kaaft se frësch un der Fëschthéik an net déifgefrueren, well soss gi se schnell wässereg a fëscheg am Geschmaach.

Fir 4 Persounen als Entrée oder 2 Persounen als Haaptplat – Préparatioun: 45 Minutten – Einfach
Fir de Purée:
500 g Muerten
20 g Botter
1 Schallotte
3 EL Äppeljus
¼ TL Salz
Peffer

Fir de Chorizo-Topping:
60 g loftgedréchent Chorizo
4 EL Sherry
3 EL Routwäinesseg

8 St. Jacques
Olivenueleg
Péiterséileg

D’Muerte schielen, kleng schneiden an an engem Dëppen mat kachendem Salzwaasser 15 Minutte goe loossen bis se mëll sinn. Ofschëdden an op d’Säit stellen.

An der Tëschzäit kann een de Chorizo-Topping preparéieren. D’Haut vun der Chorizo erofhuelen, an an ½ cm grouss Wierfele schneiden an an enger Pan e puer Minutte knausereg broden.
De Sherry an de Routwäinesseg dobäiginn an et sou laang akache loosse bis eng Zort Sirop entsteet.
Vum Kachfled erofhuelen an op d’Säit stellen.

Fir de Purée, d’Schallotte schielen a reng schneiden. De Botter an engem Dëppen, an dem virdrun d’Muerte gekacht gi sinn, schmëlzen an d’Schallotte 5 Minutten dënste loossen Den Äppeljus, d’Salz an d’Muerten dobäiginn an 1 Minutte wiermen.
D’Muerte vum Kachfeld huelen a mat dem Mixer püréieren. Mat Salz a Peffer wierzen an op d’Säit stellen.
D’St. Jacques wäschen, dréchen tuppen a mat Olivenueleg besträichen. En Pan gutt waarm maachen an d’St. Jacques 2-3 Minutten op all Säit broden. Mat Salz a Peffer wierzen.
E bësse Muertepurée op all Teller maachen, d’St. Jacques dropleeën a mat dem Chorizo-Topping an dem Péiterséileg garnéieren.

Schwéngsbake mat Quetschen

Et ass villäicht e bësse komesch fir Schwéngsbaken ze preparéieren. – ma probéiert et awer emol an dir kritt sou e wonnerbare Ragoût. D’Fleesch fir wéineg Geld beim Metzler ze fannen an et ass perfekt fir laang Kachzäite, well et eben doduerch eréischt zaart a säfteg gëtt. D’Schwéngsbaken mat dem Sherry ass eng typesch spuenesch Kombinatioun an d’Quetschen eng kulinaresch Erënnerung und d’maurescht Ierwe vum Land. Wann Dir dëse Plat kache wëllt, musst Dir nëmme gutt plange an Ärem Metzler Bescheed soen, sou datt d’Fleesch fir Iech bestallt ka ginn.

Fir 4 Persounen – Préparatioun: 35 Minutten – Kachen: 2h20 – e bësse méi komplizéiert

800 g Schwéngsbaken
2 EL Miel
Salz a Peffer
1 Zwiwwel
4 EL Olivenueleg
2 Knuewelekszéiwen
½ TL gemuelene Kümmel
½ gereecherte Paprikapolver
200 ml Sherry (demi-sec)
500 ml Rëndsbouillon
1 TL Worcestersauce
1 Lorberblat
1 Thymianszweig
200 g entsteente Quetschen
1 EL Maizena

D’Fett vum de Schwéngsbaken ewechschneiden an d’Fleeschstécker an der Mëtt duerchschneiden. 2 EL Miel op en Teller schëdden, gutt salzen a pefferen an d’Schwéngsbaken am Miel dréinen.
D’Zwiwwel schielen a kleng schneiden.

1 EL Olivenueleg an engem Dëppen hëtzen, d’Zwiwwelen 5 Minutte laang dënsten, aus dem Dëppen huelen an op d’Säit stellen. Déi 3 aner EL Olivenueleg an engem Dëppen hëtzen a lues a lues dat ganzt Fleescht vun alle Säiten ubroden.

D’Fleesch an d’Zwiwwelen an en Dëppen maachen, de Knuewelek schielen, pressen an och dobäiginn. De Küummel an de Paprikapolver dobäi ginn, 1 Minutte broden a mam Sherry läschen.

De Bouillon, d’Worcestersauce, d’Lorberbalt an den Thymian dobäiginn, d’Dëppen zoudecken an 1 ½ Stonn goe loossen.

No 1 ½ Stonn d’Quetschen dobäiginn, d’Dëppen nees zoudecken an weider 15 Minutte kachen. Den Deckel dann erofhuelen an d’Sauce 15 weider Minutte akache loossen.

De Maizena an eng kleng Tas maachen, e puer Läffelen Sauce dobäiginn, mëschen an an d’Dëppe schëdden.

Nach 1 1/2 Stunden die Backpflaumen hinzufügen, den Topf wieder zudecken und weitere 15 Minuten köcheln lassen. Dann den Deckel entfernen und die Sauce 15 weitere Minuten einkochen lassen.

Alles eng Kéier ofschmaachen an nach 1 Minutt goe loossen.

Schocklascrème mat Olivenueleg a Miersalz

Eng ganz speziell Kombinatioun. Salz a Schockla sinn zwar en ongewéinlech, awer duerchaus gängegt Geschmaachserliewnes ma awer mat Olivenueleg? Jo absolut! Dësen Dessert huet d’Anne an enger Tapas-Bar zu London entdeckt a war e richtege Genoss. Wahrscheinlech ass net jiddereen vun de Rezept sou begeeschtert, awer et ass der Méi wäert.

Fir 6 Portiounen – Préparatioun 50 Minutten – Ofkillen 4 Stonnen – Einfach

180 g Battere Schockla
100 ml Mëllech
300 ml Ram
40 g Zocker
2 Eeër
6 TL Olivenueleg
Miersalz

Den Uewen op 130°C Omlof hëtzen.
De Schockla a Stécker briechen an eng Schossel ginn. D’Mëllech, d’Ram an den Zocker an engem klengen Dëppen opkachen. Réieren fir datt den Zocker sech opléist.

Soubal d’Mëllech ufänkt ze schaimen, vun dem Kachfeld erofhuelen an iwwer de Schockla schëdden. Alles gutt vermëschen, sou datt de Schockla schmëlzt. D’Eeër dobäi ginn an nees kräfteg réieren.

D’Schocklasmass a 6 verschidden bakfest Schësselecher verdeelen an an eng Oplafform maachen. Kachend Waasser an d’Oplafform schëdden, sou datt d’Schësselcher bis zu der Halschent am Waasser stinn. D’Oplafform virsiichteg an den Uewe stellen an 20-25 Minutte baken.
Duerno misst d’Schocklasmass méi déck sinn, awer mat engem liichte méi mëlle Kär an der Mëtt.

D’Schësselcher aus der Oplafform huelen a bei Zëmmertemperatur fir e puer Stonnen ofkille loossen. Wa si bis ofgekillt sinn, kënnt Dir se an de Frigo stellen, awer 30 Minutte virum zerwéieren nees aus dem Frigo huelen fir datt si net ze kal sinn.
Virum Zerwéieren op all Portioun e bëssen Olivenueleg a Miersalz streeën.