Déi 3 vum Bierg

De Larbi, de Mergim an de Vincent hunn e gemeinsamen Dram. Si wëllen op de Bierg. Déi dräi Schoulofbriecher gesinn d'Arméi als lescht Chance fir eppes aus hirem Liewen ze maachen. Dofir mussen se awer zwee Opnamexame packen. Ee schrëftlechen an ee Sportstest. Eng Erausfuerderung fir déi jonk Männer, déi op der 9ième mat der Schoul opgehalen an zanterhier mat Léieren näischt méi um Hutt hunn. 6 Méint laang hu mir se bei hire Preparative begleet. A 4 Episode kënnt dir gesinn, wat déi jonk Männer wärend hire Virbereedungen duerchmaachen a wéi si sech dobäi entwéckelen. Hunn déi dräi genuch Disziplin, Motivatioun an Ausdauer fir hire Projet duerchzezéien? Packen se et allen dräi ob de Bierg?