KloertextThema: An de Mo - net an d'Poubelle*!

Mir kafen, fir ze consomméieren, méi wéi jee am Dezember, just wéi vill lant effektiv um Dësch a wéi vill an der Poubelle?

Kloertext: An de Mo, net an d'Poubelle! (04.12.2016)
Eng Diskussiounsronn iwwer Konsum, Gaspillage alimentaire a Wegwerfgesellschaft.
Mir sinn eng Wegwerfgesellschaft: 120 Kilo Iesswuere pro Kapp am Joer an elo kënnt och nach d'Zäit vun de grousse Friessen a vum Verbëtzen. Am Dezember, dem Chrëschtmount, kafe mir net just déi nächst Wochen en Gros Kaddoe fir de Kleeschen an ënnert de Beemchen, mä och d'Frigoe si strubbelvoll. Just wéi vill gëtt dovu giess a wat lant an der Poubelle?

Am grousse Stil verbëtzen, geet dat och op Käschte vun Ëmwelt an der sozialer Gerechtegkeet? De Problem vun Gaspillage alimentaire ass bekannt, d'Regierung sensibiliséiert, mä wou usetzen?

Wien ass responsabel vu Commerce, Restauratioun, Privatleit a Produzenten? Wéi zesummen ëmdenken kënnen? Ass et eng Fro vu besserer Opklärung an Erzéiung vu Klengem un, awer nach e Manktem u Bewosstsinn a Wëllen, och politesch, fir Léisungen ze fannen an u Normen, déi kee Sënn maachen. Wat deet sech schonn alles?

Dat war de Sujet am Kloertext!

FOTOGALERIE: D'Fotoe vum Eric Steichen.

Invitéen
 
Carlo Sauber
Chef-Kach an Enseignant LTB
 
Arthur Zeimet
President asbl Cent Buttek
 
Anne Jacoby
Kooperative Ouni
 
Ed Goedert
Bäckerei - Pâtisserie  Cathy Goedert
 
Laurent Schonckert
Administrateur- Direkter Grupp Cactus

© Eric Steichen
 

De Kloertext leeft am Prinzip all zweete Sonndeg um 18.30 Auer op RTL Télé Lëtzebuerg.

Op RTL.lu an iwwert d'App streame mir de ganze Programm vun RTL Télé Lëtzebuerg. Dir kënnt de Kloertext also och am Livestream suivéieren an dono am Replay nach eemol kucken oder consultéieren. (Et kann awer e bëssen daueren, bis d'Emissioun komplett fir den Internet konvertéiert ass. Merci fir Äert Versteesdemech.)

Rediffusioun vum Kloertext um Sonndeg den Owend kuerz no 20 Auer op der Tëlee um 2. RTL.

* Oder d'Dreckskëscht, natierlech - also keng Panik ;-)



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.