KloertextThema: Ons Jugend: Privilegéiert, mä net gehéiert?

Fir de leschte Kloertext vum Joer sëtze Jonker tëscht 14 an 29 Joer ëm den Dësch, fir iwwert hir Suergen, Ziler an Dreem ze diskutéieren.

Kloertext (18.12.2016)
Kloertext: D'Talkshow mat Bëss! An der Sendung Kloertext stellt d'Caroline Mart déi Froën déi Iech dobaussen intresséieren.
Mir liewen 2016 zu 576.000 Mënschen hei am Grand-Duché, dorënner esouguer iwwer 3.200, déi méi wéi 90 Joer al sinn. Schéin, wann d'Liewenserwaardung klëmmt, mä mat hir och den Undeel un eelere Leit a Wieler. Wann ee just d'Lëtzebuerger kuckt, da si vun den am Ganzen 307.000 eng 110.000 ënner 30 Joer jonk.

Iwwer een Drëttel Kanner a Jonker, déi d'Zukunft vum Land sinn, just a wéi wäit kënne si déi Zukunft och matbestëmmen a gestalten? Et politesch scho mat 16 ze däerfen, hu just eppes iwwer 20 Prozent Wieler hinne beim Referendum zougetraut, feelt et u Confiance an ons Jugend a wéi jugendfrëndlech ass Lëtzebuerg iwwerhaapt? Wat sinn Organisatiounen a Lobbyen, wou déi Jonk hir Uleies ubréngen, a wéi aktiv an engagéiert si si? Wou dréckt de Schong am meeschten?

Trotz héijem Liewensstandard sinn déi Jonk jo iwwerduerchschnëttlech vum Chômage betraff. Wa scho jiddereen iwwert déi héich Präisser um Wunnengsmaart am Land klot, bleiwe mat Ufanks-Gehälter eege 4 Wänn eng laang Zäit just en Dram.

FOTOGALERIE: D'Biller vum Eric Steichen

INVITÉEN AM IWWERBLÉCK

Djuna Bernard
Presidentin Jugendkonferenz

Elisabeth Margue
Presidentin CSJ

Karma Catena
Member vun déi jonk gréng a move

Sammy Wagner
Ex- Generalsekretär Jugendkonferenz, Ex-President vum JSL an Ex- President vum Jugendparlament

Steve Karier
Acteur a Direkter am Fundamental

Marc Schoentgen
Zentrum fir politesch Bildung

Michele Schilt
Zentrum fir politesch Bildung

Amir Vesali
aktuell President Jugendparlament

Laurent Heyder
ACEL



De Kloertext leeft am Prinzip all zweete Sonndeg um 18.30 Auer op RTL Télé Lëtzebuerg.

Op RTL.lu an iwwert d'App streame mir de ganze Programm vun RTL Télé Lëtzebuerg. Dir kënnt de Kloertext also och am Livestream suivéieren an dono am Replay nach eemol kucken oder consultéieren. (Et kann awer e bëssen daueren, bis d'Emissioun no der Diffusioun komplett fir den Internet konvertéiert ass. Merci fir Äert Versteesdemech.)

Rediffusioun vum Kloertext um Sonndeg den Owend kuerz no 20 Auer op der Tëlee um 2. RTL.



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.