KloertextThema: Nationalismus a Populismus, Gefor fir Demokratie?

America First! Net just den US-President setzt op Protektionismus, och an Europa huelen Nationalismus zou a Glafwierdegkeet vu Parteien a Press of.

Kloertext (29.01.2017)
Kloertext: D'Talkshow mat Bëss! An der Sendung Kloertext stellt d'Caroline Mart déi Froën déi Iech dobaussen intresséieren.
Ob Trump, Orban, Wilders, Le Pen, si all wëllen ofgrenzen zum Establishement, de Flüchtlingen oder Wuere vu baussen. Protektionismus a Nationalismus als Äntwert op d'Globaliséierung!

Wat nach virun engem Joer absurd geschéngt huet, zwee rietsextrem europafeindlech Politiker un der Muecht am Häerz vun der EU, ass zwar nach ëmmer fir vill eng Schreckensvisioun, mä net méi onwahrscheinlech! Sécherheeten ginn et der an der Politik ëmmer manner, Sondagen an Experten hu weder Trump nach Brexit komme gesinn, a spéitstens zanter am Wäissen Haus e Mann setzt, deen all Konditiounen erfëllt, esou e verantwortungsvollen Job net maachen ze dierfen, schéngt alles méiglech!

Wat d'Welt méi vernetzt a global gëtt, wat méi nationalistesch Réckzuchsreflexer opkommen, wat d'Situatiounen méi komplex, wat d'Äntwerte méi simpel an, am Fall vum Trump, nëmme méi op 140 Twitterzeechen an en: "Mir fir d'éischt an all déi aner kënne bei der Däiwel goen" reduzéiert ginn! Den Ëmgangstoun ass rude, och do keen Tabu méi an amplaz vu Wourecht, gëtt et "alternativ Fakten", dat heescht Ligen oppen als Kommunikatiounsstrategie.

Wéi ass et sou wäit komm, wat sinn d'Ursaachen? Wéi muss ee mat Populisten ëmgoen, och an der Press, wéi eng Plattform, wéi kloer Äntwerten, wat ass d' Verantwortung vu Medien a Politik um Vertrauensverloscht vun de Bierger an a wéi wäit ass den neien Nationalismus eng direkt Gefor fir d'Demokratie an Europa!

INVITÉEN AM IWWERBLÉCK


Jean Asselborn
Ausseminister

Frank Engel
CSV- Europadeputéierten

Meris Sehovic
Déi jonk Gréng / Attaché EU-Deputéierten Claude Turmes

François Aulner
Politesche Journalist bei Paperjam


De Kloertext leeft am Prinzip all zweete Sonndeg um 18.30 Auer op RTL Télé Lëtzebuerg.

Op RTL.lu an iwwert d'App streame mir de ganze Programm vun RTL Télé Lëtzebuerg. Dir kënnt de Kloertext also och am Livestream suivéieren an dono am Replay nach eemol kucken oder consultéieren. (Et kann awer e bëssen daueren, bis d'Emissioun no der Diffusioun komplett fir den Internet konvertéiert ass. Merci fir Äert Versteesdemech.)

Rediffusioun vum Kloertext um Sonndeg den Owend kuerz no 20 Auer op der Tëlee um 2. RTL.



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.