Mastercook

Mastercook: wat hätt d’Anne gekacht?Monochrom: Fësch am Kreidermantel mat Iebsenrisotto

Zoubereedung: 45 Minutten – Fir 2 Persounen – Einfach

Fir de Risotto:
300g Iebsen
½ Enn
1 Knuewelekszéif
1 Iessläffel Olivenueleg
20g Botter
175g Risottoräis (Carnaroli oder Arborio)
75ml wäiße Wäin
600ml Gemeisbouillon
1 Handvoll Menthe
1 Handvoll Basilik
2 Handvoll Ruccola
30g Parmesan
Salz a Peffer

Fir de Fesch:
2 Kabeljaus Filleten
2 Tranchen wäißt Toast Brout
1 Knuewleckszéif
1 Kaffisläffel Zitrouneschuel
1 Handvoll Menthe
1 Handvoll Basilik
2 Kaffisläffel Olivenuelech
½ Kaffisläffel Salz
Peffer

Olivenuelech
2 Handvoll Ruccola

D’Iebsen an kachendem Waasser 2 Minuten kachen bis se mell sinn. D’Haltschegt an en Becher ginn an mat engem Stabmixer pureieren.

Fir d’Panade vum Fesch, d’Broud toasten. Ofkillen lossen, an kleng Stecker rappen an an e Mixer ginn. D’Knuewleckszeif schielen an klenghacken an mat der Zitrouneschuel, der Menthe, dem Basilik, dem Olivenuelech, dem Salz an e bessen Peffer bei d’Brout an de Mixer ginn an klenghacken.

D’Feschfilleten op alle Säiten mat e bessi Salz a Peffer würzen, an eng Bakform ginn an Panade uewendropdrecken. De Rescht vun der Panade nieft de Fesch an d’Bakform leen. An de Frigo stellen.

Den Schäffchen op 200°C Umluft virheitzen.

D’Enn fir de Risotto klenghacken, d’Knuewleckszéif schielen an klenghacken. Den Olivenuelech mat 10g Botter an en Deppen ginn an schmelzen lossen. D’Enn an de Knuewleck doran 3 Minutten ubroden bis d’Enn mell gett. Den Risottoräis derbäi ginn an 1 Minutt ubroden. Mat dem Wäin ofläschen an opkachen lossen.

Wann de Wäin bis vum Risottoräis opgesaugt ass, no an no de Gemeisbouillon Läffelweis derbäischedden an ëmmer gutt réieren. Eréischt méi Bouillon derbäi ginn wann den Räis bis all d’Flessechkeet opgesaucht huet.

Während deser Zäit de Fesch an den virgeheitztenen Schäffchen stellen an 12 Minuten baken.

De Buedem vun enger klenger Paan mat Olivenuelech bedecken an erhetzen. Zwou handvoll Ruccola fir ongefeier 2 Minutten am Ueleg fritteieren bis e knusprech ass (oppassen, et spretzt wann een de Ruccola an d’Fett gett). Op Kichenpabeier ofdrepsen lossen.

D’Menthe, de Basilik an d’Ruccola fir den Risotto klenghacken. Wann bis all de Gemeisbouillon fir de Risotto opgebraucht ass, d’Kraider zesummen mat dem Iebsenpurée, den Iebsen, 10g Botter an mam Parmesan bei de Risotto ginn, mat Salz a Peffer ofschmaachen, an gutt vermëschen.

Op all Teller e bessen Risotto ginn, en Feschfillet dropsetzen an mat fritteierter Ruccola décoreieren. Dei iwwreggebliwwen Panade dei nieft dem Fesch gebak ginn ass iwwert de Risotto grimmelen an zerveieren.