Mmmh! SummerkichenEpisod 4/2018: De Ben op Besuch am Escher Kafé

De Ben Péporté kacht zesumme mam Kach Claude Mondloch, aus dem Escher Kafé, Pulled Porc Krocketten.

04/2018 Pulled Porc Krocketten (02.07.2018)
An der véierter Episod besicht de Ben Péporté de Kach Claude Mondloch am Escher Kafé. Zesumme preparéieren si Pulled Porc Krocketten.

Pulled Porc, Schwéngsschëller déi ee ganz laang kacht, ass ee vun de Ben Péporté senge Liiblingsrezepter. Wat ee domadder ka maache wann een es zevill huet, kritt de Ben vum Kach Claude Mondloch gewisen. Schrëtt fir Schrëtt kënnt dir gesinn wéi een Pulled Porc Krockette ka selwer doheem maachen.

An der véierter Episod besicht de Ben Péporté de Kach Claude Mondloch am Escher Kafé. Zesumme preparéieren si Pulled Porc Krocketten. Pulled Porc, Schwéngsschëller déi ee ganz laang kacht, ass ee vun de Ben Péporté senge Liiblingsrezepter. Wat ee domadder ka maache wann een es zevill huet, kritt de Ben vum Kach Claude Mondloch gewisen. Schrëtt fir Schrëtt kënnt dir gesinn wéi een Pulled Porc Krockette ka selwer doheem maachen.

Pulled Porc Kroketten

(Rezept vum Claude Mondloch, Escher Kafé)


Ingredienten :
80 g Botter
80 g Miel
500 ml Mëllech
500 g Pulled Porc
2 Ëer
Miel
Panéiermiel
Uelleg fir ze fritéieren

Rezept:

De Botter an enger Kasserolle schmëlze loossen. D’Miel bei déi geschmolte Botter ginn an ëmréieren. No an no den hallwe Liter Mëllech bäiginn, ouni op ze hale mat réieren. Sou laang réiere bis dass d’Béchamel déck ass. Vum Feier huelen a mat Salz, Peffer a Muskot assaisonnéieren.

De Pulled Porc ënnert d’Béchamel réieren. D’Mëschung op enger Plaque ausbreede mat Folie bedecken a fir 6 Stonnen an de Frigo stellen.

Duerno d’Masse a kleng Stécker schneiden a panéieren. Fir d’éischt am d’Miel dréinen, dann an d’Ee zappen  an zum Schluss mat Panéiermiel emmantelen.

D’Krocketten am Ueleg kuerz frittéiere bis dass se schéi knuspereg brong sinn (c.à. bei 150 °C)

Pulled Porc Rezept:

vum Ben Péporté aus der Emissioun Wantergrillen vun 2015 :
http://tele.rtl.lu/emissiounen/mmmh-de-kulinaresche-magazin/summerkichen/734284.html


1 Kilo Schwéngsschëller vun der Marque Nationale
2 EL Paprika
2 EL Rosmarin
2 EL Thymian
schwaarze Peffer aus der Millen
4 Zéiwe Knuewelek
1 Fläsch Wëllen Ourdaller
Salz

D’Fleesch aschneiden a mat de Kraider wierzen. Mat engem schaarfe Messer an d’Fleesch picken an de Knuewelek a klenge Stécker dran drécken.
D’Schëller mat der Haut no uewen an eng grouss feierfest Form ginn, op de Smoker/Grill bei 110°C setzen (Alternativ: am Uewen bei 130°C).
6 Stonnen zéie loossen, dann d’Temperatur op 100°C erof setzen (Uewen: 110°C) an de Béier driwwer schëdden.
Dat Ganzt weider 12 Stonne goe loossen.

Wann d’Schëller gekacht ass, d’Fleesch mat zwou grousse Forschetten auserneen zéien a mat e bëse Jus vermëschen.

Gudden Appetit