Themen déi eis all beschäftegen, wëssenschaftlech hannerfrot vum Olivier Catani a Mister Science.



PISA- De Wëssensmagazin Am Replay: Digital Medezin

Wéi d’Digitaliséierung och an der Therapie, Chirurgie, Fuerschung an dem Rettungswiesen ëmmer méi wichteg gëtt.

Et ginn haut ëmmer méi performant Roboter an aner technesch Hëllefsmëttel déi dem Chirurg am OP ënnert d’Äerm gräifen. Mir weisen un enger Récken-, Knéi-, a Broschtoperatioun wéi déi modern Techniken d’Aarbecht am OP verännert hunn.

De Mister Science mécht bei enger Parkinson-Étude mat wou e Roboter d’Wierkung vu Medikamenter test. Mir léieren e Schüler kennen deen eng intelligent Schongsuel entwéckelt huet mat där Patienten no enger OP erëm méi séier op d’Been komme kënnen. An trainéieren mat der neier Rettungspopp vun der Air Rescue, déi sech bal wéi e richtege Patient verhält.



Digitalen OP
Wéi Roboter a soss IT Technik de Chirurgen ënner d’Äerm gräifen.


Digital Schongsuel

Wéi e Schüler mat senger Erfindung Leit no enger OP rëm op d’Been wëll hëllefen.


Digitaalt Gehir
Wéi Parkinson-Fuerscher aus der Haut Gehirzelle maachen.


Digitalen Éischt-Hëllef-Cours
Wéi se bei der Air Rescue mat engem neie Übungsraum hir Formatiounen méi realistesch maachen.


Fotogallerie