De Summertest

An eiser Summer-Serie testen eis Journalistinnen Deborah Ceccacci an Anouk Siebenaler och dëst Joer, a scho fir d’drëtte Kéier flott Aktivitéiten, déi een a senger Fräizäit zu Lëtzebuerg oder an der Groussregioun maache kann: Vun Extrem-Sportaarten iwwer méi gemittlech Aktivitéite fir grouss a kleng. Eisen Test-Duo hëlt Service, Präisleeschtungsverhältnis a Fun-Faktor ganz genee ënnert d‘Lupp!

Summer-MagazinSummertest 5: Yoga & Wine

Entspanung pur - Dat versprécht op d'mannst den Numm vun der haiteger Aktivitéit am Summertest: "Yoga&Wine".

Summertest 5: Yoga&Wine (28.08.2018)
Fir de leschte Summertest geet et fir d'Deborah an d'Anouk an d'Wéngerte vu Wuermer fir eng kleng Yoga-Sessioun a Kombinatioun mat dem een oder anere Glas Wäin

Entspanung pur - Dat versprécht op mannst den Numm vun der haiteger Aktivitéit am Summertest: "Yoga&Wine". Wéi gutt Yoga a Wäin effektiv zesumme passen testen d’Deborah an d’Anouk zu Wuermer.

Fir de leschte Summertest geet et fir d'Deborah an d'Anouk an d'Wéngerte vu Wuermer, fir eng kleng Yoga-Sessioun a Kombinatioun mat deem een oder anere Glas Wäin ze maachen.

De Konzept vu "Yoga & Wine" kënnt aus den USA, Hannergrondiddi: de Wäin soll zousätzlech zum Yoga, d'Entspanung fuerderen. Éier et da mam Yoga lass geet, gëtt fir d'éischt e Gliesche Wäin gedronk. Dono geet et da lass mat Entspanung. Mä net nëmmen um Réck leien ass ugesot. Och Übungen, wou Geschéck ugesot ass, stinn um Plang. Geschount gëtt keen, och wann et net esou ausgesäit, ass dat ganzt nawell ustrengend.
Mä de Schluss ass dann erëm entspaant, souguer mat ethereschem Ueleg. Nodeems een de Yoga-Deel da gepackt huet, gëtt ee mat engem Glas Wäin belount.


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.